அதிமுக பிரமுகர் கொலை கடலூரில் பரபரப்பு காவல்துறையினர் குவிப்பு

Admin
0 0
Read Time3 Minute, 39 Second

கடலூர்: சுருக்கு வலையை பயன் படுத்தி மீன்பிடிப்பது தொடர்பாக கடலூர் தேவனாம்பட்டினம் மற்றும் சோனாங்குப்பம் கிராம மீனவர்களுக்கிடையே நேற்று முன்தினம் தகராறு ஏற்பட்டது. இதில் ஆத்திரமடைந்த தேவனாம்பட்டினம் கிராம மீனவர்கள் கையில் கத்தி, அரிவாள், சுளுக்கி போன்ற பயங்கர ஆயுதங்களுடன் சோனாங்குப்பம் கிராமத்துக்குள் புகுந்து தாக்குதல் நடத்தினார்கள்.

இதில் அந்த பகுதியை சேர்ந்த அ.தி.மு.க. பிரமுகர் பஞ்சநாதன் என்பவர் குத்தி கொலை செய்யப்பட்டார். மேலும் படுகாயம் அடைந்த பாண்டியன், ஏலாயி, முனியம்மாள் ஆகிய 3 பேரும் கடலூர் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார்கள்.

இந்த சம்பவத்தால் தொடர்ந்து 2 கிராமங்களிலும் பதற்றமான சூழ்நிலை ஏற்பட்டதால் கடலூர் மாவட்ட காவல் கண்காணிப்பாளர் விஜயகுமார் தலைமையில் பலத்த காவல் பாதுகாப்பு போடப்பட்டுள்ளது. உள்ளூர் காவல்துறையினர் மட்டுமின்றி விழுப்புரம், திருவள்ளூர், காஞ்சீபுரம், திருவண்ணாமலை போன்ற வெளிமாவட்டங்களிலும் இருந்து காவல்துறையினர் வரவழைக்கப்பட்டு மொத்தம் 500 காவல்துறையினர் பாதுகாப்பு பணியில் ஈடுபடுத்தப்பட்டுள்ளனர்.

கடலூர் சோனாங்குப்பம் கிராமம், சிங்காரத்தோப்பு பாலம், துறைமுகம் மீன்பிடி இறங்குதளம், படகுகள் நிறுத்தும் இடம் ஆகிய இடங்களில் காவல்துறையினர் தீவிர கண்காணிப்பு பணியில் ஈடுபட்டு வருகிறார்கள். மேலும் உப்பனாற்றில் இருந்து கடலூர் முகத்துவாரம் வழியாக கடலில் 4 படகுகளில் காவல்துறையினர் ரோந்து பணி மேற்கொண்டு வருகிறார்கள்.

சோனாங்குப்பம் கிராமத்தில் படகுகள் நிறுத்தப்பட்டுள்ள இடத்தில் உப்பனாற்றின் இருபுறமும் முன்னெச்சரிக்கை நடவடிக்கையாக 2 தீயணைப்பு வாகனங்கள் தயார் நிலையில் நிறுத்தி வைக்கப்பட்டுள்ளன.

பஞ்சநாதனை கொலை செய்த குற்றவாளிகள் வெளியூர் தப்பிச்சென்று விட்டதாக கூறப்படுகிறது. எனவே அவர்களை பிடிக்க தனிப்படை அமைக்கப்பட்டு உள்ளது.

சோனாங்குப்பம் கிராமத்துக்குள் புகுந்து அ.தி.மு.க. பிரமுகர் பஞ்சநாதனை கொலை செய்த குற்றவாளிகளை பிடிக்க 3 துணை காவல் கண்காணிப்பாளர்கள் மேற்பார்வையில் 5 ஆய்வாளர்கள் தலைமையில் 5 தனிப்படை அமைத்துள்ளோம். இந்த தனிப்படையினர் 22 பேரை பிடித்து விசாரணை நடத்தி வருகிறார்கள். மேலும் சிலரை தேடி வருகிறார்கள். குற்றவாளிகளை விரைவில் கைது செய்வோம் என்றார்.

About Post Author

Admin

Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Next Post

தூத்துக்குடி, நீலகிரி மாவட்ட காவல் கண்காணிப்பாளர்கள் இடமாற்றம்

65 தூத்துக்குடி மாவட்ட காவல் கண்காணிப்பாளர் மகேந்திரன் ஆகியோர் பணியிட மாற்றம் செய்யப்பட்டுள்ளனர். புதிய காவல் கண்காணிப்பாளராக முரளி ரம்பாவும் நியமிக்கப்பட்டுள்ளனர். தமிழக அரசு வெளியிட்டுள்ள செய்திக் […]

மேலும் செய்திகள்

Instagram did not return a 200.

Get News on Whatsapp

by send "Subscribe" to 7200024452
error: Content is protected !!
Open chat
Join Us !
Bitnami